Гүйлгээний аюулгүй байдал & Due Diligence

Одоо хуулийн этгээдийн хувьд идэвхтэй эсэх, лицензийн хугацаа дуусаагүй эсэх, бүртгэлтэй хаяг үнэхээр оршин байгаа эсэхийг SAMR системтэй шууд тулган шалгана.

Нэрэнд нь бичигдсэн хүн биш, ард нь байгаа жинхэнэ эзэмшигч (UBO) хэн болохыг тогтооно. Нэг хүн олон нэрийн дор ажиллах, shell company байгаа үгүйг илрүүлнэ.

OFAC, EU, НҮБ-ын хориг жагсаалтнаас шалгана. Дээд Шүүхийн "нэр хүнд муутай этгээдийн" бүртгэлд байгаа эсэхийг шалгана.

Хэдэн жил ажилласан, хэдэн ажилтантай, захиалгыг амласан хугацаандаа биелүүлж чадах эсэхийг шалгана.

Захиалж буй бүтээгдэхүүнийг хуулийн дагуу үйлдвэрлэх эрхтэй эсэхийг патент, барааны тэмдэгийн бүртгэлээр шалгана. Зөвшөөрөлгүй бараа гааль дээр саатах эрсдэлийг урьдчилан тодорхойлно.

Компани болон үүсгэн байгуулагчид өмнө нь залилан хийгээд татан буугдсан, шинэ нэрээр дахин нээгдсэн байх тохиолдол нийтлэг. Хуучин хаяг, нэр, утасны дугаарын холбоосыг мөрдөнө.

Маргаан гарвал ямар шүүхийн харьяалалд шийдвэрлэх вэ? Хариуцлага хязгаарлах заалт, давагдашгүй хүчин зүйл хэтэрхий өргөн тайлбарлагдсан байна уу? БНХАУ-ын хуулийн хүрээнд таны эрх ямар болохыг тодруулна.

Урьдчилгаа 100% шилжүүлэх нь БНХАУ-ын стандарт биш — тохиролцооны асуудал. LC, T/T хуваалт, эскроу гэсэн хувилбараас тохирохыг тодорхойлж, эрх ашиг хамгаалах зөвлөгөө өгнө.

Bill of Lading, Packing List, Certificate of Origin — гурав таны гаалийн гол бичиг баримтууд. Алдаа байвал бараа саатах, торгууль ноогдох эрсдэлтэй. Ачаа тээвэрт гархаас өмнө баримтыг шалгаж алдааг засна.

Шанхай, Гуанжоу, Иу, Шэньжэнь дэх гуравдагч талын мэргэжлийн байгууллагатай холбож, ачаа явахаас өмнө газар дээр нь шалгуулна. Монголд ирсний дараа "чанар муу байна" гэх эрсдэлгүй.

Нийлүүлэгч яаралтай байдал үүсгэж, шилжүүлэг хурдасгахыг шаарддаг уу? Данс гэнэт солигдож байна уу? Эдгээр нь залилангийн тодорхой дохио — бид дохиог таниулж, цаашид авах арга хэмжээг зааж өгнө.

Та мөнгөө шилжүүлсний дараа нийлүүлэгчийн бүртгэл хүчингүй болох, захирал солигдох тохиолдол гардаг. Ийм өөрчлөлт гарвал бид танд шуурхай мэдэгдэнэ.

Ашиглаж буй талбайн хэмжээ, тоног төхөөрөмжийн тоо, ажилчдын бодит тоо, ажлын ээлжийн бүтцийг нэгтгэж сарын үйлдвэрлэлийн дээд хэмжээг тооцно.

ISO 9001, CE, RoHS гэрчилгээ хуурамч байж магадгүй. Бид эрх бүхий байгууллагаас шууд тодруулж, сертификатын хугацаа болон хамрах хүрээг баталгаажуулна.

Машин механизмын нас, автоматжуулалтын түвшин, хэвийн засвар үйлчилгээ хийгдэж байгаа эсэхийг шалгана. Хуучирсан тоног төхөөрөмж нь хугацаа хоцроох, чанар муудах хамгийн гол шалтгаан.

Зарим "үйлдвэр" нь захиалгыг аваад бусдад дамжуулдаг зуучлагч байдаг. Түүхий эдийн эх үүсвэр, дэд нийлүүлэгчдийн найдвартай байдлыг шалгаж, таны захиалга хаашаа явж байгааг тодорхойлно.

ESG шаардлагатай байгууллага, олон улсын санхүүжилт авч буй компаниудад зайлшгүй шалгах үзүүлэлтүүд. BSCI, SMETA стандартаар ажлын нөхцөл, цалингийн ил тод байдал, хүүхдийн хөдөлмөр ашигласан эсэх, хэт их нэмэлт цаг ажиллуулж байгаа үгүйг шалгана.

Үйлдвэрийг A (маш сайн) — D (хүлээн зөвшөөрөгдөхгүй) зэрэглэлээр үнэлсэн тайлан. Зургийн нотолгоо, KPI-ийн оноо, засах ёстой зөвлөмжийн жагсаалтыг хамт гаргана.

Нийт ачааллаас статистикийн дагуу тооцсон дээж авч AQL 2.5 эсвэл 4.0 стандартаар шалгана. Таамаглал биш, тооцоолсон дүрмийн дагуу ачааллыг зөвшөөрөх эсвэл татгалзах зөвлөмж гаргана.

Материалын найрлага, бат бэх, аюулгүй байдлыг БНХАУ болон олон улсад магадлагдсан лабораторид шалгана. CE, RoHS, REACH зэрэг гэрчилгээг шаардлагатай бол нотлуулна.

Ачаа контейнерт ачигдахаасаа өмнө тоо хэмжээ, тэмдэглэгээ, савлагааны бат бэхийг шалгана. Гаалийн маргаан, тээврийн хохирлоос урьдчилан сэргийлнэ.

Захиалгын явцад бүх барааны 20–80% үйлдвэрлэгдсэн үед дундын шалгалт хийж, чанарын шаардлагад хүрэхгүй бол эрт илрүүлнэ. Бүтэн дахин хийлгэхийн оронд цөөн хэсгийг засуулах нь хурд, өртөг хоёуланг хамгаална.

Бүтээгдэхүүний хэмжээ, жин, материал, өнгө, функцийг таны захиалгын баримт (PO / спецификаци)-тай нэг нэгээр харьцуулна. "Ойролцоо" гэдэг тайлбарыг хүлээн зөвшөөрөгдөхгүй.

Чанарын асуудал ангиллын хураангуй, бодит хэмжилт, фото нотолгоо бүхий тайланг 24 цагт хүргэнэ.